1975ರಲ್ಲಿ ಜೂಲಿ ಚಿತ್ರದಲ್ಲಿ ಬಾಲನಟಿಯಾಗಿ ಹಿಂದಿ ಚಿತ್ರ ರಂಗ ಪ್ರವೇಶಿಸಿದರು. 1976ರಲ್ಲಿ ತೆರೆಕಂಡ ಮೂಂಡ್ರು ಮುಡಿಚ್ಚು ಶ್ರೀದೇವಿ ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾ. ಆಗ ಆಕೆಗೆ ಕೇವಲ 13 ವರ್ಷ. ನಂತರ ತಮಿಳು ಮತ್ತು ತೆಲುಗು ಚಿತ್ರರಂಗಗಳಲ್ಲಿ ಅವಕಾಶಗಳ ಮಹಾಪೂರವೇ ಹರಿದು ಬಂದಿತು. 16 ವಯಥಿನಿಲೇ(1977), ಸಿಗಪ್ಪು ರೋಜಾಕ್ಕಳ್ (1978), ವರುಮಾಯಿನ್ ನಿರಂ ಸಿವಪ್ಪು(1980), ಮೀನ್‍ಡುಂ ಕೋಕಿಲಾ(1981), ಪ್ರೇಮಾಭಿಷೇಕಂ(1981), ಮೂಂಡ್ರಾಮ್ ಪಿರೈ (1982), ಅಖರಿ ಪೋರಾಟಂ(1988), ಜಗದೇಕ ವೀರುಡು ಅತಿಲೋಕ ಸುಂದರಿ(1990) ಮತ್ತು ಕ್ಷಣ ಕ್ಷಣಂ(1991) ಶ್ರೀದೇವಿ ನಟಿಸಿದ ಜನಪ್ರಿಯ ತೆಲುಗು ಮತ್ತು ತಮಿಳು ಚಿತ್ರಗಳು.

ಈಕೆಯ ಅದ್ಭುತ ನಟನೆ ಮತ್ತು ಯಶಸ್ಸು ಕಂಡು 1978ರಲ್ಲಿ ಹಿಂದಿ ಚಿತ್ರರಂಗ ಈಕೆಯನ್ನು ಕೈಬೀಸಿ ಕರೆಯಿತು. ಸೋಲ್ವಾ ಸಾವನ್ ಮೂಲಕ ಬಾಲಿವುಡ್ ಪ್ರವೇಶಿಸಿದ ಶ್ರೀದೇವಿಗೆ 1983ರಲ್ಲಿ ತೆರೆಕಂಡ ಹಿಮ್ಮತ್‍ವಾಲ ದೊಡ್ಡ ಮಟ್ಟದಲ್ಲಿ ಯಶಸ್ಸು ನೀಡಿ, ಹಿಂದಿ ಸಿನಿಮಾದಲ್ಲಿ ಭದ್ರ ಸ್ಥಾನ ನೀಡಿತು. ನಂತರ ಈ ಮೋಹಕ ತಾರೆ ಹಿಂದಿರುಗಿ ನೋಡಲೇ ಇಲ್ಲ. ಯಶಸ್ಸಿನ ಮೇಲೆ ಯಶಸ್ಸು ಚಿತ್ರಗಳು ಸಾಲು ಗಟ್ಟಿದವು. ಮವಾಲಿ, ತೋಫಾ, ನಯಾ ಕದಂ, ಮಖ್ಸದ್, ಮಾಸ್ಟರ್‍ಜೀ, ನಜ್ರಾನಾ, ಮಿಸ್ಟರ್ ಇಂಡಿಯಾ, ವಕ್ತ್ ಕಿ ಅವಾಜ್, ಚಾಂದಿನಿ ಈಕೆಯನ್ನು ಜನಪ್ರಿಯತೆಯ ಉತ್ತುಂಗದಲ್ಲಿ ನಿಲ್ಲುವಂತೆ ಮಾಡಿತು.

ಸದ್ಮಾ, ನಾಗಿನ್, ಚಾಲ್‍ಬಾಜ್, ಲಮ್ಹೆ, ಖುದಾಗವಾ, ಗುಮ್ರಾಹ್, ಲಾಡ್ಲಾ, ಜುದಾಯಿ ಈ ಐದು ಸಿನಿಮಾಗಳ ಮನೋಜ್ಞ ನಟನೆಗಾಗಿ ಐದು ಫಿಲ್ಮ್ ಫೇರ್ ಪ್ರಶಸ್ತಿಗಳನ್ನು ಪಡೆದುಕೊಂಡರು. ಇದೇ ಸಂದರ್ಭದಲ್ಲಿ ಖ್ಯಾತ ನಟ ಅನಿಲ್ ಕಪೂರ್ ಅವರ ಸಹೋದರ ಬೋನಿ ಕಪೂರ್ ಅವರನ್ನು ವಿವಾಹವಾದ ಶ್ರೀದೇವಿ ಅವರೊಂದಿಗೆ ಕೆಲವು ಸಿನಿಮಾಗಳನ್ನು ಸಹ ನಿರ್ಮಿಸಿದರು.

ಕೆಲಕಾಲ ಚಿತ್ರರಂಗದಿಂದ ದೂರವಿದ್ದ ಶ್ರೀದೇವಿ 2012ರಲ್ಲಿ ಮತ್ತೆ 15 ವರ್ಷಗಳ ಅಂತರದ ನಂತರ ಇಂಗ್ಲಿಷ್ ವಿಂಗ್ಲಿಷ್ ಸಿನಿಮಾ ಮೂಲಕ ಬಾಲಿವುಡ್‍ಗೆ ಹಿಂದಿರುಗಿದರು. ಮಾಮ್ ಚಿತ್ರದಲ್ಲಿ ತಾಯಿ ಪಾತ್ರಕ್ಕೆ ಜೀವ ತುಂಬಿದ್ದ ಅವರ ಅಭಿನಯ ಮನೋಜ್ಞ. ಈ ಚಿತ್ರದಲ್ಲಿ ಅದ್ಭುತ ಅಭಿನಯ ನೀಡಿ ವಿಶೇಷ ಗಮನ ಸೆಳೆದರು.

ಪ್ರಶಸ್ತಿ ಪುರಸ್ಕಾರಗಳು: 2013ರಲ್ಲಿ ಇವರಿಗೆ ಭಾರತದ ಸರ್ಕಾರವು ಪದ್ಮಶ್ರೀ ಗೌರವ ನೀಡಿ ಸನ್ಮಾನಿಸಿತು. ಅದೇ ವರ್ಷ ಸಿಎನ್‍ಎನ್-ಐಬಿಎನ್ ನಡೆಸಿದ 100 ವರ್ಷಗಳಲ್ಲಿ ಭಾರತದ ಮಹಾನ್ ತಾರೆಯರ ಪಟ್ಟಿಯಲ್ಲಿ ಇವರು ಸ್ಥಾನ ಪಡೆದರು. ಶ್ರೀದೇವಿಯವರಿಗೆ ಒಟ್ಟು ಏಳು ಬಾರಿ ಫಿಲಂಪೇರ್ ಪ್ರಶಸ್ತಿಗಳು ಲಭಿಸಿದ್ದವು.

ಮಾಮ್ ಚಿತ್ರಕ್ಕಾಗಿ 2018ರಲ್ಲಿ ಜೀ ಅತ್ಯುತ್ತಮ ನಟಿ ಪ್ರಶಸ್ತಿ ಪಡೆದಿದ್ದರು. 2015ರಲ್ಲಿ ಅಲ್ಟಿಮೇಟ್ ದಿವಾ ಪ್ರಶಸ್ತಿಗೆ ಬಾಜನರಾಗಿದ್ದರು. ಅಲ್ಲದೇ ಬಿಗ್‍ಸ್ಟಾರ್ ಎಂಟರ್‍ಟೈನ್‍ಮೆಂಟ್ , ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿಗಳು, ಎನ್‍ಡಿಟಿವಿ ವರ್ಷದ ವ್ಯಕ್ತಿ ಪುರಸ್ಕಾರ, ಟಿಎಸ್‍ಆರ್-ಟವಿ9 ಪ್ರಶಸ್ತಿಗಳು ಸೇರಿದಂತೆ ಅನೇಕ ಗೌರವ-ಸನ್ಮಾನಗಳಿಗೂ ಅವರು ಪಾತ್ರರಾಗಿದ್ದಾರೆ.

# ಶ್ರೀದೇವಿಯ ಸಂಕ್ಷಿಪ್ತ ಪರಿಚಯ :
✦ ಜನನ : 13ನೇ ಅಗಸ್ಟ್ 1963ರಲ್ಲಿ
✦ ಬಾಲ್ಯದ ಹೆಸರು : ಶ್ರೀ ಅಮ್ಮ ಯಾಂಗೆರ್ ಅಯ್ಯಪ್ಪನ್
✦ ನಾಲ್ಕು ವರ್ಷವಿದ್ದಾಗಲೇ ಬಾಲನಟಿಯಾಗಿ ತುನೈವನ್‍ ಚಿತ್ರದಲ್ಲಿ ಬಣ್ಣ ಹಚ್ಚಿದರು.
✦ 1975ರಲ್ಲಿ ಜೂಲಿ ಚಿತ್ರದಲ್ಲಿ ಬಾಲನಟಿಯಾಗಿ ಹಿಂದಿ ಚಿತ್ರ ರಂಗ ಪ್ರವೇಶ
✦ 1976ರಲ್ಲಿ ತೆರೆಕಂಡ ಮೂಂಡ್ರು ಮುಡಿಚ್ಚು ಶ್ರೀದೇವಿ ನಾಯಕಿಯಾಗಿ ನಟಿಸಿದ ಮೊದಲ ಸಿನಿಮಾ.
✦ 7 ಬಾರಿ ಫಿಲ್ಮ್ ಫೇರ್ ಪ್ರಶಸ್ತಿ
✦ 2013ರಲ್ಲಿ ಭಾರತದ ಸರ್ಕಾರದಿಂದ ಪದ್ಮಶ್ರೀ ಗೌರವ
✦ 2015ರಲ್ಲಿ ಅಲ್ಟಿಮೇಟ್ ದಿವಾ ಪ್ರಶಸ್ತಿ
✦ ಬಿಗ್‍ಸ್ಟಾರ್ ಎಂಟರ್‍ಟೈನ್‍ಮೆಂಟ್ , ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿಗಳು, ಎನ್‍ಡಿಟಿವಿ ವರ್ಷದ ವ್ಯಕ್ತಿ ಪುರಸ್ಕಾರ, ಟಿಎಸ್‍ಆರ್-ಟವಿ9 ಪ್ರಶಸ್ತಿಗಳು ಸೇರಿದಂತೆ ಅನೇಕ ಗೌರವ-ಸನ್ಮಾನಗಳಿಗೂ ಅವರು ಪಾತ್ರರಾಗಿದ್ದಾರೆ.
✦ ಶ್ರೀದೇವಿ ನಟಿಸಿದ ಕನ್ನಡ ಸಿನಿಮಾಗಳು : ‘ಪ್ರಿಯಾ’, ‘ಬಾಲ ಭಾರತ’, ‘ಹೆಣ್ಣು ಸಂಸಾರದ ಕಣ್ಣು’, ‘ಸಂಪೂರ್ಣ ರಾಮಾಯಣ’, ‘ಭಕ್ತ ಕುಂಬಾರ’ ಸೇರಿದಂತೆ 6 ಕನ್ನಡ ಚಿತ್ರಗಳಲ್ಲಿ ಶ್ರೀದೇವಿ ಅಭಿನಯಿಸಿದ್ದಾರೆ.
✦ ತಮಿಳಿನ 76, ಹಿಂದಿಯ 71, ತೆಲುಗಿನ 72 ಹಾಗೂ 26 ಮಲಯಾಳಂ ಚಿತ್ರಗಳಲ್ಲಿ ಅವರು ಅಭಿನಯಿಸಿದ್ದಾರೆ.
✦ ಶ್ರೀದೇವಿಯವರ ಕೊನೆಯ ಚಿತ್ರ ಜೀರೂ

✦ ಕನ್ನಡ ವ್ಯಾಕರಣ : ಛಂದಸ್ಸು ಮತ್ತು ಛಂದಸ್ಸಿನ ಕೃತಿಗಳು

The post ಸೂಪರ್ ಸ್ಟಾರ್ ಶ್ರೀದೇವಿ appeared first on Current Affairs Kannada.