ಸರ್ ಐಸಾಕ್ ನ್ಯೂಟನ್‍ರವರು ಒಬ್ಬ ಭೌತಶಾಸ್ತ್ರಜ್ಞ, ಗಣಿತಜ್ಞ, ಖಗೋಳಶಾಸ್ತ್ರಜ್ಞ ಮತ್ತು ತತ್ವಜ್ಞಾನಿ ಆಗಿದ್ದರು. ಅವರು ‘ ಪ್ರಿನ್ಸಿಪಿಯಾ ಮ್ಯಾಥೆಮೆಟಿಕಾ’ ಎನ್ನುವ ಪ್ರಸಿದ್ಧ ಗ್ರಂಥವನ್ನು ಬರೆದಿದ್ದಾರೆ. ಚಲನೆ, ಗುರುತ್ವ, ಬೆಳಕಿಗೆ ಸಂಬಂಧಿಸಿದ ಅನೇಕ ವಿಚಾರಗಳನ್ನು ತಿಳಿಸಿದ ವಿಜ್ಞಾನಿ ಸರ್. ಐಸಾಕ್. ನ್ಯೂಟನ್. ಇವರು ಚಲನೆಗೆ ಸಂಬಂಧಿಸಿದಂತೆ ಮೂರು ನಿಯಮಗಳನ್ನು ರೂಪಿಸಿದ್ದಾರೆ.
# ನ್ಯೂಟನ್ನನ ಚಲನೆಯ ನಿಯಮಗಳು
1. ಮೊದಲನೆಯ ನಿಯಮ: ಪ್ರತಿ ಕಾಯವು, ಅದರ ಮೇಲೆ ಪ್ರಯೋಗವಾದ ಬಲಗಳಿಂದ ತನ್ನ ಸ್ಥಿತಿಯನ್ನು ಬದಲಿಸುವಂತೆ ಬಲಾತ್ಕರಿಸಲ್ಪಡದೇ ಇದ್ದರೆ, ಅದು ನಾನು ಇದ್ದ ವಿಶ್ರಾಂತ ಸ್ಥಿತಿಯಲ್ಲಿ ಅಥವಾ ಸರರೇಖೆಯಲ್ಲಿ ಏಕರೀತಿಯ ಚಲನೆಯ ಸ್ಥಿತಿಯಲ್ಲಿ ಮುಂದುವರಿಯುತ್ತದೆ.
• ನಿದರ್ಶನಗಳು- ಬಸ್ಸು ದೀಡಿರನೆ ಮುಂದಕ್ಕೆ ಚಲಿಸಿದಾಗ ಬಸ್ಸಿನಲ್ಲಿರುವ ಪ್ರಯಾಣಿಕರು ಹಿಂದಕ್ಕೂ, ಚಲಿಸುತ್ತಿರುವ ಬಸ್ಸು ದಿಡೀರನೆ ನಿಂತಾಗ ಪ್ರಯಾಣಿಕರು ಮುಂದಕ್ಕೆ ವಾಲುತ್ತಾರೆ.
ಚಲಿಸುತ್ತಿರುವ ಬಸ್ಸಿನಿಂದ ಹಾರಿ ಇಳಿದರೂ ಮುಂದಕ್ಕೆ ಮುಗ್ಗರಿಸಿ ಬಿದ್ದು ತೀವ್ರ ಗಾಯವಾಗುತ್ತದೆ.
2. ಎರಡನೆಯ ನಿಯಮ – ಯಾವುದೇ ಕಾಯದ ವೇಗೋತ್ಕರ್ಷವು, ಆ ಕಾಯದ ಮೇಲೆ ಪ್ರಯೋಗವಾದಾಗ ಬಲದ ದಿಕ್ಕಿನಲ್ಲಿ, ಬಲಕ್ಕೆ ನೇರ ಅನುಪಾತದಲ್ಲಿಯೂ ಕಾಯದ ರಾಶಿಗೆ ವಿಲೋಮ ಅನುಪಾತದಲ್ಲಿಯೂ ಇರುತ್ತದೆ.
• ನಿದರ್ಶನಗಳು- ಒಂದು ದೊಡ್ಡ ಮರದ ತುಂಡಿಗೆ ಒಮದು ಬಂದೂಕಿನಿಂದ ಗುಂಡನ್ನು ಹಾರಿಸಲಾಗಿದೆ. ಗುಂಡಿನ ದ್ರವ್ಯರಾಶಿ ಚಿಕ್ಕದಾಗಿದ್ದರೂ ಅದು ಮರದೊಳಗೆ ಹೆಚ್ಚಿನ ದೂರ ಕ್ರಮಿಸುತ್ತದೆ. ಏಕೆಂದರೆ ಅದರ ವೇಗೋತ್ಕರ್ಷ ಹೆಚ್ಚಾಗಿರುತ್ತದೆ.
ನ್ಯೂಟನ್ನನ ಚಲನೆಯ ಎರಡನೇಯ ನಿಯಮವನ್ನು ಹೀಗೂ ನಿರೂಪಿಸಬಹುದು,.(ಸಂವೇಗ ನಿಯಮ) “ ಸಂವೇಗದ ಬದಲಾವಣೆಯ ದರವು, ಕಾಯದ ಮೇಲೆ ಪ್ರಯೋಗವಾದ ಬಲಕ್ಕೆ ನೇರ ಅನುಪಾತದಲ್ಲಿಯೂ ಮತ್ತು ಪ್ರಯೋಗವಾದ ಬಲದ ದಿಕ್ಕಿನಲ್ಲಿಯೂ ಇರುತ್ತದೆ.
3. ಮೂರನೇ ನಿಯಮ – ಪ್ರತಿಯೊಂದು ಕ್ರಿಯೆಗೆ ಸಮನಾದ ಮತ್ತು ವಿರುದ್ಧವಾದ ಪ್ರತಿಕ್ರಿಯೆ ಯಾವಾಗಲೂ ಇರುತ್ತದೆ.
• ನಿದರ್ಶನಗಳು- ವ್ಯಕ್ತಯೊಬ್ಬನು ಈಜುತ್ತಿರುವಾಗ ನೀರನ್ನು ಹಿಂದಕ್ಕೆ ತಳ್ಳಬೇಕಾಗುತ್ತದೆ ಅದೇ ಸಮಯದಲ್ಲಿ ನೀರು ಸಮ ಪ್ರತ್ತಿಕ್ರಿಯೆಯನ್ನು ವಿರುದ್ಧ ದಿಕ್ಕಿನಲ್ಲಿ ಪ್ರಯೋಗಿಸುತ್ತದೆ. ಇದು ನಾವು ಮುಂದಕ್ಕೆ ಚಲಿಸಲು ಸಹಾಯವಾಗುತ್ತದೆ.
ಈ ತತ್ವವನ್ನು ರಾಕೆಟ್‍ಗಳ ಉಡಾವಣೆಯಲ್ಲಿ ಜೆಟ್ ವಿಮಾನಗಳಲ್ಲಿ ಬಳಸಿಕೊಳ್ಳಲಾಗಿದೆ.
